III Festival Galego de Patchwork
Como xa anunciamos, o III Festival Galego de Patchwork celebrarase en Moaña durante os próximos días 12, 13 e 14 de outubro, aproveitando que o día do Pilar coincide en venres e é festivo. Haberá feira comercial, que estará situada no Pavillón de Deportes de Reibón (fronte pistas de atletismo), con expositores que nos ofrecerán material de patchwork e traerannos as últimas novidades.
A feira permanecerá aberta os días 12 e 13 en horario ininterrompido de 11:00 horas a 20:30.
O Concurso – Exposición estará situado na Sala de Exposicións da Praza de Abastos, en pleno Paseo Marítimo. Permanecerá aberta en horario de 11:00 a 14:00 horas pola mañá e de 15:00 a 20:00horas. A exposición tamén permanecerá aberta o domingo 14.
Recordade que a data límite para o envío de traballos é o 14 de setembro (houbo unha ampliación debido a problemas técnicos) e tedes que envialos á oficina de MRW en Cangas de Morrazo.
Recordade tamén que hai outro concurso simultáneo ao libre que é o da adaptación do cadro de Maside “A costureira”.
Os cursos impartiranse no Colexio de Reibón (ao lado do Pavillón onde estará a feira). A reserva destes entenderase efectuada unha vez feito o ingreso do importe do curso na conta da Asociación. É moi importante que poñades o voso nome no ingreso e o nome do curso ao que queredes inscribirvos. A data límite para facelo é o 20 de setembro.
Nota importante para as socias de Centón: Para asistir aos cursos e que se vos faga o desconto por socia/o deberedes estar ao día no pagamento da cota, ao igual que para poder participar no concurso.
Fuente: centon
